熱拿亞收小“費”

    明晨有場意甲補賽，由熱拿亞迎戰費倫天拿。兩支中游球隊實力半斤八両，但熱拿亞主場認真唔簡單，今季除保持不敗外，前列的祖雲達斯與AC米蘭去到熱拿亞地頭都要輸波，主場威力非同小可。今仗對住時好時壞的費倫天拿，贏波應該“天”經地義。

    今仗原定在九月舉行，因暴雨踢了廿七分鐘腰斬，補賽將踢剩餘的六十三分鐘賽事。費倫天拿連埋歐霸盃取得三連勝，連輸兩場後狀態又回升，表現較反覆，上仗主場僅險勝莎索羅，今輪到訪主場極惡的熱拿亞，和波都算執到。初盤熱拿亞讓平手／半球，捧熱拿亞登“天”。

    熱拿亞射手具一定質素，馬體會主帥施蒙尼之子小施、小將奧甘普斯正當“弗”，仲有老將彭迪夫等，有足夠火力摧殘紫百合。由於要踢歐戰，今場係費倫天拿十二日内第四場，球員體能必受影響，熱拿亞定必以快打慢，但求一擊即中。

    推介：熱拿亞1:0