紅魔鬼要上“韋”

    明晨繼續有英格蘭聯賽盃八強，曼聯主場再戰韋斯咸。兩隊剛在英超碰頭，曼聯佔盡優勢下只能逼和對手，聯賽又再失分，爭標機會又大打折扣，唔排除“老摩”會轉攻盃賽，只要擊敗“鎚仔幫”即入四強，預料會強陣出擊。

    韋斯咸上仗能守和曼聯，全靠門將蘭杜夫左飛右撲屢救險球，且“鎚仔幫”全場只有兩次射中目標，唔輸都算好彩，過到初一又能否過埋十五？若今戰繼續捱打，睇怕冇咁好彩。初盤曼聯讓一球，捧紅魔鬼收“斯”。

    由三比一擊敗史雲斯開始，曼聯整體發揮的確明顯好轉，四球大勝飛燕諾，和阿仙奴與韋斯咸，紅魔鬼都係主宰場上形勢，確有“魔”氣重現走勢，惜仍欠缺贏波運數。曼聯今場有普巴與費蘭尼停賽，不過舒雲斯迪加及米希達恩可隨時候命，中場組合可能會有更佳效果。

    韋斯咸今季踢了九場作客，僅得一勝兩和六負，始終作客係弱項，今仗再和都難。

    推介：曼聯2:0