紅軍有“列”痕

    英格蘭聯賽盃明晨上演八強，利物浦撼英冠的列斯聯。聯賽盃對幾支豪門嚟講都係骨頭賽事，利物浦上季雖殺入決賽，惜功虧一簣。而今季環境唔同，因目前英超榜首形勢爭持激烈，紅軍、車路士、曼城及阿仙奴正叮噹馬頭，毋需為盃仔消耗戰力而因小失大，且上仗對新特蘭損兵折將，古天奴受重創離場，費明奴亦中招，加上拉蘭拿及恩格斯等傷兵，相信“克叔”唔會再冒險，預料今仗以部分副選上陣。雖然紅軍後備力十足，史杜歷治、盧卡斯、卡拉雲及摩蘭奴等都具一定級數，且主場出戰，對列斯應該夠殺，但問題係能否大勝。

    列斯今季邀得蒙克執教，更加入西班牙中場靴南迪斯、瑞典國腳贊臣及安頓臣三名猛將，配合原本班底的活特、巴特利與貝拉迪等，在英冠屬有份量球隊。初盤利物浦硬讓兩球，列斯並非流到唔識踢，捧列斯抗“紅”贏盤。

    推介：利物浦1:0