拉斯彭馬斯“包”掂

    西甲明晨獨腳戲有拉斯彭馬斯單挑畢爾包，兩隊皆處中游，希望力爭上游爭來季踢歐戰。論雙方實力唔會差太遠，甚至係半斤八両，不過拉斯彭馬斯主場特別醒神，強如皇馬都要失分，呢支“小島”球隊堪稱地頭龍。

    由於要應付歐戰，畢爾包表現較飄忽，近四場聯賽僅一勝，上周中又博完歐霸盃，今戰係八日内第三場，仲要作客，實在不宜睇好。初盤平手簡直筍盤，捧硬佔盡天時地利人和的拉斯彭馬斯，“包”有純利。

    拉斯彭馬斯以三名核心為主，奇雲保定已成隊中球星，前線伙拍阿根廷的阿拿奧祖，火力有保證。後防有巴西守將馬些度，加上好波之人韋拉，對住同級波的畢爾包，足以殺退對手。

    畢爾包兩連勝狀態回升，不過都係主場出戰，近四場作客僅得一和三負，踢作客似乎係弱項，今仗輸多贏少。

    推介：拉斯彭馬斯2:0