巴塞做“蘇”爭返勝軌

    西甲衛冕的巴塞羅那今晚重返聯賽作客皇家蘇斯達，即使對手四連勝氣勢十足，但地上最強挾歐冠出線強勢、人腳又高幾班，有望全取三分重回勝軌。

    上場聯賽收起美斯、蘇亞雷斯悶和馬拉加後，MSN周中歐冠盃重任正選即重回勝軌，球王美斯入兩粒，尼馬亦貢獻助攻，MSN狀態相當。雖然隊長恩尼斯達繼續養傷，仍有拿傑迪、布斯基斯撐起中場，整體人腳高皇蘇幾班。為下周硬撼皇馬國家打吡壯聲勢，地上最強今仗三分志在必得。

    皇蘇四連勝態勇

    主場的皇蘇近況不俗，賽前四連勝狀態十足、士氣高昂。雖然人腳與巴塞有距離，但皇蘇主場亦曾擊敗馬體會，足證主場威力十足。射手比列圖四戰入三球腳風頗順，或有機為皇蘇保住不敗身。

    皇蘇門將路爾尼信心十足：“我們清楚明白巴塞今仗來勢洶洶，近期表現亦非常好，但毫無疑問我們想贏，尤其我們在主場出擊，希望為球迷帶來勝利。今季我們表現很好，亦有信心今仗繼續交出好表現。”

    馬體會勢滅奧沙

    另外，馬德里體育會作客奧沙辛拿，床單兵今季聯賽表現麻麻，連敗於皇蘇、皇馬兩仗，現時落後榜首皇馬九分排第六，創施蒙尼上任以來最差開局。當中射手基斯文今季表現插水，加美路表現亦未及預期，今仗再有托里斯因傷缺陣，前線火力大減。幸整體人腳至少贏一條街，為免被死敵皇馬拉開，馬體會挾歐冠出線氣勢，今仗仍可望睇高一班，力爭三分。