車仔“熱”力四射

    車路士上仗一球小勝米杜士堡，豪取聯賽六連勝後，堂堂正正坐正“一哥”之位，明晨繼續乘勝追擊，主場迎戰同市死敵之一的熱刺。

    車路士近十五年内在史丹福橋球場從未被熱刺擊敗，加上近況勢如破竹，今戰更加信心十足，誓必拔“刺”繼續站穩榜首。

    熱刺近九場各項比賽只得一勝，整體狀態明顯回落，唯一亮點，係主力攻擊手夏利卡尼復出後三場轟入四球，少埋“卡尼仔”真係不知點算好。一隊波當然唔係踢一两個球星，熱刺近期發揮的確綁手綁腳。一隊當勇，一隊低沉，當然揀車仔。初盤車路士讓半球／一球，捧藍軍“熱”勝紅日光。

    今季由干地任“車長”後，多名核心球員急速回勇，尤其攻擊鐵三角夏薩特、迪亞高哥斯達及馬迪，簡直越戰越勇。防守更加唔使講，六場連勝都不失一球，攻守兼備的車仔今場又邊有得輸？其實熱刺戰績下滑都受到各種因素，最大主因係三條戰線，再加上陣中國腳級球員根本未停過，體能已經輸畀車仔。

    推介：車路士3:1