萊比錫夠“雷”氣

    今季德甲爆出神奇球隊萊比錫，呢支升班馬十一輪聯賽後以不敗身壓倒班霸拜仁暫居榜首，令球迷另眼相看，明晨繼續展開奇幻之旅，作客同樣回歸德甲的費雷堡，能全取三分將繼續領跑。

    費雷堡兩連敗共失七球，防線脆弱，對住來勢洶洶的萊比錫，主場亦未必佔優。初盤萊比錫讓半球，今季十一場贏足十場盤的萊比錫值得捧場。

    費雷堡上季在德乙兩度與萊比錫交手取得一勝一和，心理上稍佔優。但萊比錫今季的人腳確實加強，加上近期氣勢十足；費雷堡則有跌冇起。正所謂寧買當頭起，費雷堡實在不宜追捧。

    萊比錫上仗反勝勁旅利華古遜，後勁相當凌厲。球員勝在年青力壯體能十足，完全係力的表現。當然，保爾臣、科斯貝治、薩碧沙及奧利夫貝基等多名“九○後”當打都具有一定潛質，今仗一定破“費”。

    推介：萊比錫二比一