英軍未夠“牙”力

    球迷大飽眼福，今晚多場國際友誼賽都極具份量，有意大利對德國，英格蘭對西班牙兩場重量級較量，仲有南美區外圍賽，阿根廷火併哥倫比亞，好波連場。

    今次揀咗英格蘭對西班牙，兩隊剛在外圍賽大炒對手，士氣與狀態不俗，英格蘭雖主場，但以兩隊踢法比較，技術型的西班牙稍為睇好，即使有多名主力因傷缺陣，紅牛仍可坐和望贏。初盤平手，捧西班牙以技術擊倒英軍。

    英格蘭暫由修夫基領軍，之前一直帶領三獅U21，目前班國腳踢法一定瞭如指掌，對排陣與部署有一定作用，但始終講個人質素、技術及整體配合，與紅牛相比稍遜色，唯有以快打慢與西班牙抗衡。

    西班牙上仗對馬其頓有多名主力因傷休戰，包括恩尼斯達、拉莫斯、比基及迪亞高哥斯達等，實力有所削弱，不過大衛施華、摩拉達、泰亞高及高基等依然班底雄厚，足以應付英格蘭。

    推介：西班牙一比〇