西布朗主場“般”三分

    英超明晨有西布朗對般尼上演搶分戰。西布朗排十二位，但與降班區只差三分，排第十一的般尼亦僅多一分，基本上兩隊仍在降班邊緣，繼續要搶分自保，肯定各不相讓。

    尤其主場的西布朗，贏波就可騎住對手。西布朗人腳較平均，費查、布隆特、耶高普及門將賓科士打等，都身經百戰，加上委內瑞拉射手朗頓，中前場唔差得去邊。上仗作客擊敗李斯特城，必士氣大振，有望再“般”走三分。

    般尼以升班馬嚟講，暫排十一都算有貨交。今季加入迪科亞、亨特歷克及古蒙臣三名國腳級球員，雖然名氣唔大，但起到一定作用，不過最大致命傷就係作客，四場僅得一和三負，入一球失九球，攻不銳守不穩，今場實在難有信心。初盤西布朗讓半球，作客毫無殺傷力的般尼一定冇回“布”。

    推介：西布朗2:0