萊比錫冇斷“古”

    德甲明晨戰火重開，近三戰回勇的利華古遜坐鎮主場迎戰超強升班馬萊比錫。由於雙線發展，利華古遜季初表現唔上唔落，曾連續四場不勝，德國盃更被丙組仔淘汰，幸近三仗反彈，連埋歐冠三連勝，今仗當然希望乘勝追擊。不過下周又要作客莫斯科中央陸軍爭歐冠出線，隨時影響發揮。

    萊比錫簡直係上季英超李斯特城的德甲版，陣中缺少大牌球星，但勝在拼勁兼士氣十足，十輪聯賽後與拜仁平起平坐並列榜首，踢氣势都夠，今仗絕對有力挑戰利華古遜。初盤利華古遜讓平手／半球，捧萊比錫百“利”無一害。

    利華古遜今季最致命是防線，十場聯賽失十五球，是前列中失球最多一隊，主要受傷兵影響，今場對攻力排第三的萊比錫，利華古遜毫無勝算。

    萊比錫陣中球員年輕力壯，快速踢法成最大本錢，德甲五連勝氣勢十足，趁對手踢歐冠有後顧之憂，一於借勢行兇。

    推介：萊比錫2:1