葡萄牙“維”大數

    應屆歐國盃冠軍葡萄牙，在世界盃外圍賽首戰出師不利，作客兩球不敵瑞士，要首名出線決賽周，已落筆打三更，餘下比賽已冇再失分餘地。明晨主場迎戰拉脱維亞，葡軍不勝無歸。

    拉脱維亞三戰祇得一勝，祇能擊敗同組最弱的安道爾，最惨連另一魚腩的直布羅陀都可以輸得，作戰能力極之薄弱，今戰作客非勝不可的葡萄牙，拉脱維亞凶多吉少。初盤葡萄牙讓兩球半／三球，連續兩場大勝對手六球的葡軍，料會繼續大屠殺。

    貴為歐洲冠軍，球員身價自然水漲船高，山齊士、安祖高美士及馬利奥等已先後加盟大球會，證明實力具一定級數。仲有球王“C朗”領軍，陣容鼎盛。阿Ben更極力推薦九五後新星安祖施華，呢位波爾圖頭號射手當起當“弗”，假以時日必成大器。火力強横的葡軍今仗要大勝對手冇走雞。

    拉脱維亞祇屬於歐洲三、四線球隊，最輝煌一次在○四年能殺入葡萄牙歐國盃決賽周，之後打回原形，主因係國家足球水平有限，要挑戰歐洲王者明顯未夠班。

    推介：葡萄牙5:0