法國讓多不宜捧

    世界盃歐洲區外圍賽明晨上演A組榜首戰，法國主場迎戰瑞典。初盤法國要讓到球半／兩球，阿Ben並非懷疑法國實力，只是不能睇低瑞典抗衡力。

    雙方近四次對賽，法國兩勝一和一負，兩勝都是友賽性質兼僅勝一球。瑞典在一二年歐國盃決賽周曾兩球淨勝法國，法國根本佔唔到太大優勢。即使今仗佔主場，但要贏到兩球才有純利，法軍不宜過份睇高，不妨考慮瑞典殺盤。

    法國今仗以最當打人腳出擊，普巴、基斯文、簡迪、皮耶特及傷癒的基奧特等，誓要擊敗對手爭首名直入決賽周，預料必會主攻，一場攻防戰在所難免。雖然瑞典陣中球員星級指數有限，伊巴謙莫域與卡斯唐又已退出國家隊，實力受到影響，但始終在歐洲屬於一線尾、二線頭球隊，踢法又以整體為主，相信今場以一分為目標，以守代攻，屯重兵於後防。法國要大勝並非容易，贏波輸盤機會相當高。

    推介：法國1:0