拜仁必淘“堡”

德國超級盃明晨展開決戰，禾夫斯堡坐鎮主場挑戰巨人拜仁慕尼黑。禾夫斯堡上季表現的確令人驚喜，最終勇奪聯賽亞軍收咧，但話雖如此，實際與拜仁都有成十分差距，證明整體戰力仍未足以威脅到呢支德國班霸。

再睇雙方對賽往績，禾夫斯堡近十次對住拜仁，真係“十賭九輸”，只係上季聯賽主場大斬拜仁四比一，係今戰唯一可博之處。可惜睇返季前多場熱身賽，整體發揮明顯未達到應有狀態，五場比賽中只能擊敗瑞士的蘇黎世，酋長盃對住維拉利爾與阿仙奴，四個字“技不如人”。今場對住更強勁嘅拜仁，要爆冷談何容易。

拜仁在中國踢咗三場比賽，先在鳥巢大炒西甲勁旅華倫西亞，跟住在上海灘頭小勝國際米蘭，最後在“省城”與恆大握手言和，十二碼更不敵對手，呢場波應該叫做“畀面派對”。九日訪華之旅，拜仁“執咗”一千萬歐元有多，贏輸又有乜問題呢？至於在比賽狀態方面，無疑比禾夫斯堡較佳，平均人腳質素亦佔優。初盤開出只讓半球，拜仁屠“夫”冇問題。

推介：拜仁慕尼黑2:1