西班牙大行“其”道

    世界盃歐洲區外圍賽G組雙雄天下，如無意外，西班牙與意大利會爭奪首名直接晉級決賽周資格。雖然阿爾巴尼亞及以色列都有六分緊追其後，但相信最終出線機會唔大。

    西、意暫同得七分居榜首，最終排名可能要計得失球，所以明晨西班牙對馬其頓，意大利作客列支敦士登，將出現大手交易。尤其西班牙在主場出戰，為擴大得失球優勢，誓必大開殺戒。

    其實西班牙抽籤與意大利同組後，已開始搶入球，首戰對超級魚腩列支敦士登狂數八蛋，三場外圍賽共入十一球，穩陣起見一定未夠數。今戰對住低幾班的馬其頓，料會繼續殺個片甲不留，迪亞高哥斯達、摩拉達及洛尼圖三大攻擊手必施渾身解數爭“士哥”，馬其頓防線應會兵荒馬亂。

    馬其頓三戰全敗，根本陪太子讀書，作客西班牙預咗慘敗收場。不過知恥近乎勇，都要力戰到底，唯有加強防守，求將失球數字减到最低。

    推介：西班牙5:0