荷蘭受讓有“利”

    明晨有場國際友誼賽，荷蘭與鄰國比利時拍跳。由於青黃不接，昔日足球強國之一的荷蘭近年進入低潮，更缺席今年歐國盃決賽周，而在世界盃歐洲區外圍賽，“橙軍”爭出線唔容易，今場友賽目的係備戰周日對盧森堡的外圍賽，相信主帥D白蘭特會排出強陣試陣，更希望贏波提升士氣。

    比利時在外圍賽三戰全勝，攻入十三球兼一球不失，睇落的確夠勁，不過三場對手屬魚腩部隊，贏唔到就應該叫“比你屎”。荷蘭曾經係歐洲一線強隊，爛船有三斤釘，今場初盤比利時仲要讓平手/半球，唔捧荷蘭對唔住我老友告魯夫。

    荷蘭今次大軍名單中，有洛賓回歸，老將史奈積達繼續領軍，配合贊臣、迪比及倫斯等新一代“橙軍”，絕對有力與比利時抗衡。

    比利時陣中確有唔少球星坐鎭，但眾星配合似乎格格不入，對住三、四流球隊可以贏個人級數，但對仍有一定實力的荷蘭，比利時隨時輸得。

    推介：荷蘭二比一