修咸頓受讓好“路”

    車路士在上仗“藍”“紅”大戰踢出最精彩一役，以四球大炒紅魔鬼曼聯。“藍戰士”再顯強者本色，聯賽榜更守住前四位置，繼續向前列球隊施壓。不過，今晚遇上另一場硬仗，將要作客修咸頓，“車仔”要過呢關並非容易。

    修咸頓踢法實而不華，三線人腳平均，且目前主場仍保持不敗身，自己地頭作戰特別醒神，今場絕對唔驚“車”。初盤車路士讓平手／半球，捧修咸頓至少可執半個盤。

    修咸頓近況表現非常平穩，整體狀態穩定，近十場各項賽事取得六勝三和，只在歐霸盃作客一球不敵國米。其中主場全部殺退對手，主場威力不可睇低。雖然陣中星級球員指數唔高，但勝在夠實際，葡萄牙國腳祖些方迪、荷蘭守將雲迪克、丹麥小將賀爾比格，仲有羅美奥、杜辛泰迪及吉田麻也等都屬好波之人，有力挑戰列強。

    車仔雖殺敗曼聯贏得轟烈，但周中聯賽盃作客不敵韋斯咸，今季所有六場作客比賽，只係兩勝兩和兩負並非突出。今仗作客對住主場超惡的修咸頓，車仔實在毫無必勝把握，和波帶走一分都收貨。

    推介：和波2:2