巴勒莫除“烏”

    意甲有獨腳戲由巴勒莫對烏甸尼斯。

    兩隊同處下游，必須全力搶分護級。尤其巴勒莫九戰僅得六分排尾二，今仗在自己地頭非要搏命不可。烏甸尼斯好少少，上場擊敗升班馬比斯卡拉，暫脫離危險區，但仍要繼續努力自保。兩隊實力相差無幾，巴勒莫勝在有主場，初盤平手唔使讓波，可以優先考慮。

    巴勒莫雖然主場成績係意甲中最差，四戰全敗僅入一球失九球，其中輸畀祖雲達斯、拿坡里及拖連奴三支前列強隊，可以話技不如人。球隊已無去路，今戰爭勝決心大過天。不過，巴勒莫必須改善進攻能力，老將迪亞文迪及保加利亞國腳祖卓夫係進攻核心，有一定入球能力。只要加強支援，有望取得今季主場首勝。

    烏甸尼斯今季作客曾爆冷擊敗AC米蘭算係代表作，但其餘三仗全敗，作客始終係弱點。近年對巴勒莫輸多贏少，近三次對賽全敗，遇上剋星心理上已輸蝕，巴勒莫有望小勝。

    推介：巴勒莫1:0