熱刺讓波不“利”

    歐冠盃E組形勢緊湊，三輪後四隊仍有出線機會，明晨熱刺火併利華古遜成關鍵一戰，雙方都不容有失，唔係你死就係我亡。

    熱刺暫少榜首的摩納哥一分排次席，但今仗要攞一分亦未必滿足，三分志在必得。惜近期狀態並非理想，已五場不勝，包括上仗守和利華古遜，該仗保不敗全憑門將羅里斯表現出色屢救險球。熱刺近五場只入三球，首席射手卡尼因傷缺陣影響極大，新加盟的納高圖又難以重用，正印前鋒只有贊臣，唯有靠近期最“弗”的孫興民擔重任，但攻力明顯削弱。今仗要贏擅踢穩守突擊的利華古遜，熱刺勝算有限。

    利華古遜近況較為波動，上仗反勝禾夫斯堡，係近幾場中最佳作品。多名核心主力，美密迪、阿蘭基斯、白蘭特及謝華積等終發揮應有水平，以利華古遜班底人腳根本唔差於熱刺。初盤受讓半球，“熱”捧利華古遜。

    推介：和波1:1