兵工廠食死“貓”

    英超榜首形勢爭持激烈，曼城、阿仙奴及利物浦三雄鼎立，車路士與熱刺緊追其後，今季英超的確好睇過戲。阿仙奴得球暫少曼城一球列次席，要坐上一哥除必取三分外，仲要大炒對手。機會來了，今晚對住包尾的新特蘭，兵工廠必全面開火。

    新特蘭上季僥倖逃出生天，今季依然陷入低谷。呢隻“病貓”似乎無藥可救，今季未嘗一勝，主場更是英超中最差，對住要爭榜首的阿仙奴，九條命都未夠輸。初盤阿仙奴硬讓球半，新特蘭等升“仙”。

    新特蘭陣中雖有唔少熟口熟面的名氣球員，包括迪科爾、奧舒亞及派拿亞等國腳級球星，但現在已叫老人家，在超激烈的英超真係唔捱得幾耐。拿臣、波連尼及贊奴沙等主力又受傷，實力弱上加弱，今場想爆都難。

    阿仙奴上仗被米杜士堡悶和，錯過升上榜首，但實際上唔輸算好彩。經過輕敵教訓，兵工廠今場必加強前線攻力爭入球，不勝無歸。

    推介：阿仙奴3:1