曼聯破“門”不易

    曼聯係上屆國際冠軍盃冠軍，戰績威過威士忌，幾乎戰無不勝。今屆繼續強勢開航，三戰全勝，連上季取得三冠王嘅巴塞亦係腳下敗將。以球隊目前狀態，明早對住法甲豪門大巴黎，似乎不勝無歸。

    但都要睇實際情況，首先頭兩場對手威脅性唔大，巴塞亦因人腳不齊，半力出擊情況下叫做“讓賽”。此外，英超下周開鑼，首戰對住實力不容忽視嘅熱刺，經過上季揭幕戰輸波嘅教訓，雲帥必須要做足準備，以免重蹈覆轍，唔排除今場會有所保留，至少要避免有傷員出現。況且聖日門亦非等閒之輩，曼聯未必贏硬。

    聖日門首戰與英超冠軍車路士打成平手，只係互射十二碼落敗，從比賽態度嚟睇，球員拼搏程度夠晒積極認真，埋身搶截有如踢真正歐戰一樣，亦反映出球隊存在一定作戰能力，絕不低於英超勁旅之下。不過，考慮到聖日門過兩日就要踢法國超級盃，一樣玩留力，既然各有所求，應該和氣收場。初盤曼聯讓平手／半球，受讓嘅巴黎聖日門可捧。

    推介：和波1:1