尼斯“特”攻冇甩拖

    法甲榜首尼斯今晚主場出擊迎戰南特，儘管傷兵滿營，但球隊狀態全面佔優，為保一哥地位，主場鬥排十四的南特，尼斯今仗不勝無歸。

    尼斯開季至今十戰八勝兩和，保住不敗金身之餘，前線轟入二十球亦攻力十足，現時踢少場兼三分力壓聖日門排榜首，聯賽五連勝氣勢超強。雖然陣中傷兵不少，但“巴神”巴洛迪利今仗有望傷癒復出，拍檔比利亞同樣狀態大勇，兩人再組鋒線攻堅火力有保證，加上巴斯復出鎮守後防，尼斯攻守兼備主場出擊，至少有力睇高一線再搶三分。

    後衛修基特有信心再贏一仗：“今仗主場鬥南特，只要再贏我們十一場就有廿六分，事實上現時成績超出我們預期。球隊現時信心、狀態都很好，我們希望在今個球季得到更好成績，球隊會一場接一場踢好比賽，全力爭勝。”

    聖日門小勝里爾

    周五獨腳戲，衛冕的聖日門作客一球小勝里爾，三分落後尼斯繼續死追。聖日門下周歐冠有賽事，但今仗未有留力，卡雲尼、“天使”迪馬利亞連同盧卡斯三叉戟正選攻堅。但佔有主場之利的里爾並未捱打，聖日門直至換邊後六十五分鐘，卡雲尼接應迪馬利亞助攻，心口一控再窩利射入，助大巴黎一箭定江山。

    全取三分的聖日門踢多場，仍三分落後尼斯死追唔放兼守住次席，輸波的里爾排十六位。