車仔難讓曼聯

    知己知彼百戰百勝，老摩對車路士每一位球員特性，應該心中有數，了如指掌。史丹福橋球場，可以話係老摩英雄地，亦是其傷心地。上季老摩被眾“車手”反目起義，令老摩黯然離去，感性的老摩今晚帶領紅魔鬼重臨舊地，簡直悲喜交雜，感慨良多。

    英超今輪重頭戲，“藍紅”大戰，車路士火併曼聯，老摩重返史丹福橋成為焦點。曾為“車仔”重奪英超冠軍，創下七十七場聯賽主場不敗紀錄，老摩問誰又能做到？

    講返正題，兩隊目前排聯賽榜第五及第七位，當然仍大有爭標機會，但今仗對雙方嚟講，再失分就處於不利。講近期狀態，兩隊相差無幾，車仔近六戰兩勝兩和兩負，雖剛取得兩連勝，但實際發揮並非突出，且今季遇到競爭對手，兩支“紅衫軍”阿仙奴與利物浦，車仔都要敗陣，今仗決戰紅魔鬼，車仔再受衝擊。

    曼聯上場悶和利物浦，老摩採取以守為攻。今場重返老家，當然唔輸得，最緊要面子問題，一於與干地鬥“守”。初盤車路士讓平手／半球，必捧受讓的曼聯。

    推介：和波1:1