車仔泊大“巴”

    今日繼續有國際冠軍盃系列，兩支歐洲名牌勁旅車路士與巴塞羅那將在美國較量，先睇兩隊對賽往績，原來車仔近七次對住“地上最強”未輸過，取得兩勝五和，都算係巴塞在歐洲列強對手中最“難搞”的一隊。今場雖以熱身為主，但相信兩位統帥都唔衰得，尤其係“老摩”，之前兩場球隊表現未如理想，今仗開始上力情況下，應該會有更佳發揮。

    巴塞由於人腳未齊，上場對住曼聯結果輸一比三，唔知幾耐都未輸過呢個大比數，但話時話，整體踢法及結構，依然一貫巴塞風格，控球能力仍居曼聯之上，明早與車仔交手，真係未知鹿死誰手。初盤平手，往績佔優嘅車仔，可以一博。

    今場人腳上調動，車仔較為充足，除奧斯卡與拉美利斯有小傷外，其他一線球員都可以披甲上陣，包括迪亞高哥斯達及新加盟嘅法卡奧，係今仗爭勝利器。

    巴塞繼續有美斯與尼馬缺陣，攻力肯定大打折扣，仲有馬斯卓蘭奴、艾華斯及巴拉特等傷兵，車仔有望乘虛而入小勝對手。

    推介：車路士1:0