曼聯兵臨“城”下

    “藍紅”大戰，曼聯大敗於車路士腳下，重返史丹福橋的老摩面目無光，在英超從未如此慘敗過。勝負乃兵家常事，出得球場行，預咗要還，跑慣江湖的老摩相信會重新作戰。英聯賽盃十六強，紅魔鬼再遇同市死敵曼城，老摩誓要挽回面子。

    曼城同樣處困局，開季頭威頭勢豪取十連勝，惜近五場僅得三和兩負，包括在歐冠慘吞巴塞四蛋。曼市雙雄同病相憐，今場兩大名帥再碰頭，必為聲譽而戰。初盤平手，主場免讓的曼聯可優先考慮。

    紅魔鬼今季聯賽在奧脫福曾不敵藍月亮，場上形勢曼城亦稍佔優。但曼聯近七戰僅一敗，實則並非想像中處於低潮。相反，曼城近五戰難求一勝，除狀態回落外，内部亦有問題，哥帥已向多名大牌施壓，阿古路並非絕對正選，杜尼、列謝斯及沙巴列達等已列為大後備，隊內出現唔少怨氣。且曼城連續一周雙賽，周末有英超及下周中再戰巴塞，料哥帥留有後着。

    推介：曼聯 1:0