紅軍“熱”爆

    英格蘭聯賽盃一向對幾支豪門嚟講只屬雞肋賽事，經常只出半力，但對長期冇盃攞的球會，就有殺錯冇放過。明晨展開第四圈，上季屈居亞軍的利物浦與熱刺爭入八強。紅軍上季決賽在互射十二碼不敵曼城，克洛普不離“二奶命”，唯有再接再厲，爭上任後首個錦標。

    熱刺一向對聯賽盃冇乜感覺，加上目前聯賽前三爭持激烈，歐冠盃戰線同樣緊密，無謂為盃仔而因小失大，預料今仗會派大部分副選上陣，紅軍主場可食“刺”。初盤利物浦讓半球/一球，紅軍至少可執半個盤。

    既然冇歐戰踢，紅軍唯有專攻國內盃賽，近期狀態不俗，近七戰除與曼聯言和外，其餘六場全勝，包括上圈聯賽盃大勝打比，證明對每仗都相當認真，今場迎戰熱刺，定要過關斬將。

    熱刺目前有頭號射手卡尼與後防守將艾達韋列特因傷缺陣，避免再有主力受傷，領隊普捷天奴唔會再冒險，去博呢個盃仔，紅軍有機可乘。

    推介：利物浦二比〇