士砵亭針“蜂”相對

    歐冠盃明晨開戰，F組士砵亭與多蒙特激鬥，由於同組皇馬成出線大熱，“士多”之戰極可能兩隊只能活一隊，必拼過你死我活。

    士砵亭頭兩場一勝一負只得三分，今戰實在輸唔起，否則想出線相當艱難，今仗借主場誓必傾盡全力求一勝，單憑爭勝決心已值得捧場。

    如果計平均實力，多蒙特應稍高，但經過國際賽後，“蜜蜂兵”成重災區，多名主力先後“掛彩”，戰鬥力大大削弱，若作客能保住不敗，必要答謝神恩。初盤多蒙特仲要讓半球，唔捧士砵亭，一定畀人炳。

    士砵亭許勝不許和，必擺大個頭，拜仁雷斯、祖爾甘保及巴斯度斯隨時三箭齊發，加上歐國兩名奪標功臣卡華奴與施華一攻一守作支援，力足滅“蜂”。

    “蜜蜂兵”續有柏巴斯托普路斯、比薛斯克、蘇保迪、卡斯迪路、賓達及舒卓尼等因傷缺陣，戰力大打折扣，後備兵源亦有限，殘陣出擊根本毫無勝算，點讓得起對手？

    推介：士砵亭二比一