紅軍勢驅“魔”

    英超本輪壓軸上演利物浦火併曼聯。紅軍近期狀態火熱，連聯賽盃豪取五連勝入十六球僅失四球，攻防都踢出水準，整體狀態理想。相反，曼聯近況較反覆，近三場英超勝負和各一，進攻還可以，但防守七場聯賽失八球仍需改善。

    老摩向以防守策略見稱，似乎係後防意識問題，對住近期開行火力、七戰入十八球的紅軍，紅魔鬼防線確有危機。初盤利物浦讓平手／半球，紅軍有望擊退紅魔鬼。趁住曼城與熱刺齊齊失分，紅軍又有機會逼近榜首，最緊要今仗能驅魔。

    紅軍在國際賽有九名球員需為國效力，其中六人披甲，包括巴西雙星費明奴與古天奴，今季加盟的塞內加爾國腳文尼等，三人係紅軍必然核心，長途跋涉只怕影響發揮。但講傷元氣，曼聯有十名國腳代表國家隊出戰更不利。紅軍今季踢硬仗特別醒神，先後斬殺倫敦雙雄阿仙奴與車路士，及上季冠軍李斯特城，曼聯一樣照掃。

    推介：利物浦2:1