米堡“屈”到病

    上季英冠亞軍米杜士堡今季重返英超，首要目標當然希望繼續留班，惜七輪聯賽過後，“米堡”只得一場勝仗，僅擊敗排榜尾的新特蘭，其餘三和三負積六分排第十六位。要保住英超一席位，搶分刻不容緩，今晚主場迎戰實力唔相差太遠的屈福特，係搶分大好時機。不過，近四戰一和三負，除狀態不足外，整體戰力有限係最大問題，相信今仗主場亦毫無優勢。

    相反，屈福特近四戰取得兩勝一和一負，其中三比一殺敗曼聯更令球迷眼前一亮。陣中擁有多名具級數球員，平均人腳質素應在“米堡”之上，今戰至少坐和望贏。初盤米杜士堡讓平手／半球，捧屈福特可得“米”。

    “米堡”升班後加強實力，引入尼格度、拉美尼斯、巴拉根及西班牙過氣門將華迪斯等。但目前對球隊作用有限，三線位置明顯又欠缺均衡，預料長期都要打護級戰。

    屈福特有唔少名氣球員坐鎭，佩雷拉、卡普爾、辛尼加、恩加路及比拿美等。值得一提首席射手甸尼已為球會射入九十九球，今場必會爭取“士哥”，在球會寫下歷史。

    推介：屈福特二比一