德軍玩撲“克”

    世界盃歐洲區外圍賽繼續戰火蔓延，“大賽王”德國明晨主場對捷克應該實食無黐牙。

    德國在C組應可横行霸道，最強威脅對手只係北愛爾蘭與捷克，如無意外出硬線，問題係首名還係次名。

    捷克雖然係今届歐國盃決賽周分子之一，惜分組賽已經打道回府，證明對住歐洲頂級強隊，捷克始終要行埋一邊。今仗作客德國，恐怕難保不敗而回。

    初盤德國讓球半／兩球，捧德軍報“捷”波盤全收。自歐國盃失意後，主帥路維都有火，友賽芬蘭及首戰挪威，德軍都踢出強者氣勢。特別係基米治、麥斯美亞、白蘭特及韋基等多名超新星，為博上位表現更加積極。加上奥斯爾、湯馬士梅拿、基迪拿及卻奥斯等“大哥級”領軍，德國依然勢力強大，今仗戰無不“克”。

    相反，捷克自門神施治、中場核心鲁錫斯基、柏拉斯爾及拉菲達退役後，處換血期明顯青黄不接。上個主場對住實力相若的北愛爾蘭，簡直悶戰一場，全場只得一次中目標攻門。今戰作客對住強横的德國，捷克肯定處於捱打，只望輸少當贏。

    推介：德國二比〇