法國讓三球難有“利”

    明晨繼續有世界盃歐洲區外圍賽，歐洲盃亞軍的法國在主場迎戰保加利亞。法國首戰作客白俄羅斯失分，今仗非勝不可，因同組仲有荷蘭與瑞典兩強，再失分形勢將處不利。以法隊人腳實力，再加上天時地利人和，要贏並非太難，問題係能否輕取對手。

    保加利亞首仗補時被追和再險勝魚腩盧森堡，好似玩泥沙一樣，反映戰鬥力有限，不過贏波始終能激勵士氣。今場作客法國料以一分為目標，實行血肉長城，望能保大門不失。初盤法國讓兩球／兩球半，上場法國狂攻白俄羅斯，射門廿三次十中，但始終未能射穿對方大門，入唔到就入唔到。保加利亞今戰必定死守為主，法國要贏三球先獲利，實在捧唔過。

    由於非勝不可，法國主帥迪甘斯肯定強陣出戰，特別前線加強火力，基斯文及馬迪爾掛帥。就算一分搶唔到，保加利亞亦唔想慘敗，定必盡全力抗衡，最緊要贏盤。

    推介：法國2:0