紅軍再起風“雲”

    英超今晚早場上演“阿四”對撼，尾四的史雲斯對第四的利物浦。一隊落難，一隊當勇，當然捧當頭起的利物浦。

    史雲斯開季六場只得四分兼三連敗，聯賽盃又出局，主帥古杜連已聞到魷魚香，今仗隨時是最後一戰。相反，利物浦越戰越勇，六場不敗兼四連勝，攻入二十球只失四球，狀態十足，乘勇必打落水狗。

    史雲斯人腳其實唔差，施古臣、寄誠庸、魯迪治及新加盟的羅蘭迪等身經百戰，惜其他位置欠缺平均，加上後備力不足，導致整體發揮有限。最重要係士氣，連場敗仗軍心受到影響。

    克洛普執教紅軍一季後漸成型，迫搶攔截與快速進攻踢法極具侵略性。據統計，紅軍近六場共有一百一十五次攻門係英超最多，入十六球僅次於入十八球的曼城，攻力相當驚人。今場對住弱勢的史雲斯，利物浦殺得性起。初盤讓一球／球半，紅軍食硬“天鵝”肉，贏波贏盤大結局。

    推介：利物浦 2:0