般尼主場冇“福”氣

    英超明晨獨腳戲上演搶分戰，升班馬般尼對屈福特。般尼開季曾踢出代表作擊敗利物浦，惜只係一刹那光輝，虚火過後，在聯賽盃被乙組仔淘汰，跟住英超連食車仔及李斯特城三蛋，以人腳實力似乎難留英超，今仗對屈福特非要搶分不可。

    不過屈福特近期接連擊敗韋斯咸與曼聯，戰力深不見底，且士氣極佳，作客要乘勝追擊。初盤平手，必揀屈福特“尼”料。

    般尼升上英超後當然加強人馬，只是財力有限，用二千萬英鎊買入愛爾蘭國腳亨特歷克與比利時中場迪科亞已出重本，法拿根及班福特都係借將，加埋本身班底，要站穩英超確實唔易。開季至今僅入三球失八球，攻不銳守不穩，面對屈福特有前冇後踢法，般尼應會捱打。

    屈福特屬進攻型球隊，五場英超場場有波入，對韋斯咸與曼聯都可以攻入七球。話晒恩加路、辛尼加、佩雷拉及卡普爾等在歐洲球壇都有“朵”，今仗必斬般尼。

    推介：屈福特2:0