馬體會小登“科”

    西甲三頭馬車之一的馬德里體育會開季五輪比賽未嘗一敗，但目前少榜首皇馬四分，只能排在第四位。要保持前列爭標位置，每一分都不容有失，特别對住實力較弱球隊，今晩主場迎戰拉科鲁尼亞三分志在必得。只不過，馬體會下周中將要踢歐冠盃對拜仁的重要一戰，唔排除施蒙尼今仗在人腳上會稍作留力，見好就收唔出奇。

    拉科近兩季都在護級邊緣掙扎，證明整體戰鬥力有限，明顯與多支強隊相比有一定差距。球隊今季以留在甲組為目標，基本上每場比賽只能積極搶分。相信今仗作客馬體會亦以一分為目標，一於死守搶得一分得一分。初盤馬德里體育會讓球半／兩球，博拉科穩守成功，至少可殺盤不至於大敗收場。自從連續在兩支升班馬失分後，馬體會場上爭勝决心大大增強，隨即三連勝兼上輪大戰巴塞亦保住不敗而回，球員狀態不俗。問題係拉科實力不足為患，馬體會最主要攞足三分後，將戰意全力集中於與拜仁一拼。

    拉科五場聯賽共失四球，防守似乎做得唔錯。趁馬體會有留力之需，最多一球上落。

    推介：馬德里體育會1:0