倫敦打吡要追“車”

    英超今輪又有好波睇，兩支倫敦最強球隊互劈，阿仙奴激鬥車路士，兩隊目前同得十分排四、五位，勝方有機會入前三，加上打吡戰肯定鬥得精彩。

    論近期表現，阿仙奴近六戰各項賽事保持不敗，英超更三連勝，狀態漸入佳境。不過一物治一物，近十次對車仔只得一勝七負，心理質素亦係比賽關鍵之一。雖然車仔近况的確麻麻，但阿仙奴亦難有必勝把握。初盤阿仙奴讓平手／半球，未開波已揸住半個盤，車路士值得捧場。

    阿仙奴今季引入三名一線球員，薩卡、皮里斯及梅斯達菲，前兩者已分别取得两個入球，算交足功課，最重要係令傷兵滿營的兵工廠有足夠人腳調動。唯一擔心是下周中又要踢歐冠，有後顧之憂，隨時影響發揮。

    連續三場失兩球的車路士防線依然係最大致命傷，今戰如臨大敵，相信干地會改變防守，加強中後場連鎖踢法。前線有足夠攻擊力與兵工廠駁火，不妨考慮波膽二比二有分頭。

    推介：和波2:2