李城贏“車”格

    明晨有多場英格蘭聯賽盃上演，其中有英超對撼，李斯特城硬拼車路士。李斯特城近兩場再現黑馬本色，先在歐冠盃作客擊敗布魯日，再在英超斬般尼，兩場同樣大勝三球。上季能成為英超王者，就係踢氣勢，今仗主場撼車，繼續借勢行兇。

    車仔啱啱相反，和完史雲斯再輸畀利物浦，連續兩場失利，防線越踢越甩漏。上季兩對李城只得一和一負，目前狀態又回落，似乎勝算唔大。初盤車路士仲要讓平手/半球，捧李斯特城主場坐和望贏。

    李斯特城兩場攻入六球，两位阿爾及利亞國腳馬列斯與新援施利文尼表現搶鏡，已成球隊進攻核心，另一殺手華迪亦保持佳態，前線有足夠贏波本錢，今戰只要加強防守，根本唔怕“車”。

    車仔雖有大衛雷斯回巢，但防線仍出現弊病，特別是集中力不足問題，卡希爾狀態低迷，艾雲奴域不復當年勇，即使中前場表現極佳都冇用，主帥干地有必要重整防線，否則今仗得不償失。

    推介：李斯特城2:1