紅魔“屈”到爆

    曼聯輸完曼市打吡後，跟住歐霸盃又再失利，老摩連衰两場，威勢與名望有下跌跡象。今晚返到英超作客屈福特，贏唔到唔緊要，千祈唔好三連敗，否則，紅魔一班“老叔父”又有排彈。

    屈福特今季擴軍積極，引入多位名氣球員，戰鬥力明顯比上季增強，經過多場磨合後，上場終於打開聯賽勝利之門，四比二反勝具一定實力的韋斯咸，士氣大增。今仗借助主場及戰意，有力與曼聯拉成均勢。

    初盤曼聯硬讓一球，雖然阿Ben係老摩“粉絲”，心想曼聯贏波，但以波論波，屈福特絕對有力抗“紅”。屈福特陣中有唔少踢得之人，華朗比拿美、佩雷拉、真馬特、卡保奥、恩加路及奥卡卡等都有一定名氣，且三線較平均，只要發揮水準，呢班波唔易啃。

    其實曼聯呢两場波應贏變輸，一係防線犯錯，二係前線把握力失準，特別係雲戈爾後遺症，兩位愛徒比連特與馬迪爾，否則紅魔鬼亦不致於連敗两仗。相信老摩會改變人腳調動，尤其上場歐霸盃後備上陣的伊巴謙莫域，今仗必然正選，但要贏屈福特兩球唔易。

    推介：和波1:1