藍戰士抗紅軍

    英超明晨又有“藍紅”大戰，聯賽第二嘅車路士硬撼利物浦，車仔在今夏的國際冠軍盃，曾小勝紅軍，近年每次交手，基本係勢均力敵，今仗鹿死誰手確要打過先知。

    車仔開季四戰仍保不敗身，整體表現逐漸發揮應有水準，不過上仗對史雲斯，若果唔係門將高圖爾斯的魯莽犯規及卡希爾低級失誤，應可全取三分，最終作客祇搶返一分；一向以防守戰術見稱的干地，必對防線要求加強意識。進攻的迪亞高哥斯達、夏薩特、韋利安與奧斯卡依然勇態十足，今仗主場要殺退紅軍應問題不大。

    有“海鮮波”之稱的利物浦表現實在太過飄忽，揭幕戰反勝阿仙奴贏得精彩，但跟住輸畀升班馬般尼又認真無厘頭，相信最大問題在於防線，四場聯賽失七球，中路防守明顯欠缺大將，車路士進攻能力絕不簡單，紅軍後防危機四伏。初盤車路士讓平手／半球，捧車仔有“利”。

    推介：車路士2:0