紅魔鬼要落“飛”

    曼聯在打吡大戰不敵曼城，“老摩”輸波又輸面。不過勝負乃兵家常事，唔代表世界末日，最緊要球隊繼續保持作戰狀態。始終賽程緊密，曼聯明晨要轉戰歐霸盃，將作客荷蘭的飛燕諾，“老摩”定要重拾勝果。

    飛燕諾屬荷蘭老牌球會之一，一直係荷甲中堅分子，具一定實力，且有主場之利，應可與曼聯一較高下，但講到前線火力就稍遜。初盤曼聯讓半球，博紅魔鬼可戰勝對手。

    飛燕諾除在荷蘭超級盃敗在燕豪芬腳下外，其餘五場荷甲全勝，發揮可圈可點，尤其前線多名攻擊手已入十五球，特別是佐贊臣、伊利亞及卅六歲“老來嬌”的古爾特共包辦九球，當然有對手較弱的問題，今場對住曼聯，若能在主場保不敗，已對球迷有交代。

    曼聯雖未至於脫胎換骨，但經“老摩”調教後，精神面貌確有不同，上仗對曼城輸在踢得保守，守將白蘭特兩次犯錯亦係輸波最大原因。祇要今場加強進攻力度，紅魔鬼應可在歐霸盃旗開得勝。

    推介：曼聯二比一