皇馬“士”氣如虹

    上季歐冠王者皇馬明晨展開衛冕之路，主場迎戰葡超勁旅士砵亭，亦係葡萄牙球王C朗倒戈母會，會否腳下留情大家拭目以待。

    士砵亭葡超開季四連勝，包括擊敗死敵波爾圖，狀態不俗，不過整體戰鬥力與粒粒巨星的“銀河艦隊”相比，明顯技遜一籌，作客更加唔易打，對住西甲三連勝兼攻入十球的皇馬，難逃一敗。初盤皇家馬德里硬讓兩球，捧皇馬入球“亭”不了。

    皇馬上仗大炒奥沙辛拿，C朗回歸即有士哥，三大守將柏比、丹尼路及拉莫斯各建一功，加上中場摩特歷埋齋，三線入球能力相當得人驚。主帥“丹爺”即收起摩特歷、C朗及巴利，擺明留力對士砵亭，誓要在首戰旗開得勝。

    士砵亭今季有首席射手施利文尼及葡萄牙國腳馬里奧先後離隊，但有阿仙奴棄將祖爾甘保與巴斯度斯加盟，火力依然足夠。不過與皇馬玩對攻，等於以卵擊石，只望加強中後場防守，不至大敗收場。

    推介：皇家馬德里4:1