愛華頓食死“貓”

    明晨上演英超獨腳戲，上季僥倖逃出生天的新特蘭主場迎戰愛華頓。雖然上季新特蘭在光明球場大炒愛華頓三蛋，但當時“黑貓”正處降班水深火熱中，愛華頓又無慾無求，似乎做順水人情居多。唔係“拖肥糖”呢救命三分，新特蘭已跌落英冠打滾。愛華頓實力無疑比新特蘭較平均，尤其在攻擊線上，所以勝算可稍為睇高。初盤愛華頓讓半球，開季狀態不俗的愛華頓值得捧場。

    經過上季教訓後，新特蘭今季加入唔少具質素球員，包括贊奴沙、麥尼亞、路夫三名曼聯青訓產品，仲有派拿亞、迪尼亞及文基路等，令三線加強替補力，整體確比上季強，問題係球會積弱多時，開季三戰僅一和兩負。

    相反，愛華頓在揭幕戰賽和熱刺，隨後連聯賽盃取得三連勝，踢法依然保持實牙實齒風格，前鋒盧卡古、米拿拉斯及巴克利平穩狀態，再加入厄瓜多爾國腳E華倫西亞，令前線彈藥更充足，對住新特蘭不穩防線，愛華頓今場必有斬獲。

    推介：愛華頓2:1