“星”球大戰捧紅魔鬼

    今季英超上演最震撼大戰，摩連奴激鬥哥迪奧拿合演曼市打吡，老摩與哥帥再度在英超相逢，恩怨情仇再續未了緣。兩隊開季未逢敵手，曼聯先捧社區盾，跟住聯賽三連勝。曼城連埋歐冠外圍賽五勝對手，雙方狀態正處強勢，今仗激戰難免。

    曼聯今季有伊巴謙莫域、普巴、米希達恩及拜利加盟，令三線更平均，競爭力加強，今仗雖有米希達恩與梳爾有傷未必能披甲，但紅魔鬼中後場仍有足夠後備力。曼聯上場憑小將拉舒福特絕殺侯城三戰全勝，整定老摩鴻運當頭。

    曼城同樣在英超三戰全勝，並以較佳得失球力壓車路士與曼聯暫列榜首，所以今埸等同重量級榜首大戰，邊隊失分隨時影響爭標形勢。曼城有阿古路停賽三場，高柏尼、根杜簡肯定缺陣較為不利，加上近三次交手，藍月亮只得一和兩負，今仗作客稍被睇低。初盤曼聯讓平手／半球，捧紅魔鬼可攻陷“城”池。

    推介：曼聯2:1