巴塞慢“曼”嚟

呢期啲波真係有今生無來世，好似厄爾尼諾現象一樣，爆冷爆到唔清唔楚。例如美洲金盃賽美國四強出局，墨西哥亦死裡逃生，幾乎決賽整個牙買加對巴拿馬。呢股冷風更由美洲吹到嚟中國，連世界最頂級嘅歐洲勁旅，拜仁慕尼黑都只係同中超球隊恆大打成平手，最後連射十二碼都輸埋，真係“殺盤”殺到盡。唔怪之得電視台都搵拜仁班球員上節目，做下“騷”兼玩遊戲，原來呢班球星都係“戲子佬”。

冇錯，波的確係圓嘅，不過，都要睇下個波“碌”邊個方向囉。吹完水就入正題，今日繼續有重量級友誼賽，巴塞羅那對曼聯。兩支都係歐洲豪門球會，球壇地位確實無與倫比，陣中球員粒粒皆星，但以波論波，巴塞嘅組織踢法、球員默契與配合，當今世上真係冇邊隊可以比得上。

至於曼聯今季引入多名份量級球員，加上本身班底，無疑都係超強勁旅，但始終需要時間磨合，暫時與巴塞對抗仍有輸蝕之處。初盤巴塞羅那讓平手／半球，“地上最強”應可小勝紅魔。

推介：巴塞羅那2:1