捧“鎚仔幫”贏盤

    兩輪英超過後，曼城以得失球優勢暫列榜首，哥帥可以在英超過吓“一哥”癮。要繼續保住榜首位置，當然要延續勝績。不過，曼城今晚遇到較強對手，就係爛打得嚟兼有技術的球隊“鎚仔幫”韋斯咸。

    上季曼城两對“鎚仔幫”只得一和一負，更加在自己地頭輸波，今晚再度碰頭，曼城未必有十足贏波把握。韋斯咸今季動用超過四千萬歐元擴軍，實力大大提升，不過歐霸盃就剛剛被淘汰出局。但從人腳調動方面，主帥比歷似乎將火力集中於聯賽。雖然目前陣中傷兵唔少，但替補班底都有一定份量。加上遇強愈強風格，今戰有力與曼城抗衡。初盤曼城讓球半／兩球，捧“鎚仔幫”衆志成“城”頂得住。

    在“哥帥”帶領下連埋歐冠盃，曼城開季取得四連勝，球隊踢法果然煥然一新，且多名主力狀態極佳，無可否認對住韋斯咸絕對可以睇高一線，不過至少要贏兩球先有純利。韋斯咸又並非善男信女，捧“鎚仔幫”更為實際。韋斯咸目前有阿休、卡奴爾及菲治侯利三名主力傷兵，但人腳依然充足，祇要保持對住強隊嘅頑強戰意，“鎚仔幫”未必輸得晒。

    推介：和波1:1