曼城再數“星星”

    曼城在歐冠盃附加賽首回合大炒布加勒斯特星隊五蛋，進入分組賽基本毫無問題，明晨更在自己主場踢次回合，應該可數“星星”。自己地頭都輸到一敗塗地，布加勒斯特星隊實力明顯未夠班，相信今場波都冇諗住要翻盤，首要目標只係將傷亡數字減到最低。初盤曼城硬讓兩球，要大開殺戒的話，曼城又係大炒“格”。

    曼城上周炒完星隊後，返到英超再炒史篤城。阿古路入球停不了，開季三場入六球，狀態“弗”到爆；新援洛尼圖亦唔執輸，兩場入三球，兩人足令對手防線聞風喪膽；仲有大衛施華、迪布尼及拿華斯等，個個狀態十足。即使今仗半力出戰，曼城替補力依然粒粒皆星，對住威脅力有限的星隊，仍夠殺有餘。

    星隊在首回合對抗曼城又並非全無還擊之力，始終陣中仍有多名羅馬尼亞國腳，只係球員平均質素、組織力及埋門一腳都係技不如人，加上十三分鐘已先失一球，令防線大亂陣腳，成為大敗原因。今仗星隊唯有加強防守，不致再慘敗收場。

    推介：曼城4:0