羅馬有利可“圖”

    歐冠盃附加賽次回合明晨上演好戲碼，兩支歐洲名牌球會羅馬與波爾圖展開生死戰，首回合雙方踢成一比一，由於羅馬有作客入球在手，即使今戰互交白卷亦可殺入分組賽，即係話作客嘅波爾圖必須反客為主，先要取得入球；不過，上仗下半場踢多一人，幾經艱苦才能迫和羅馬，今戰作客更難睇好，況且羅馬前線攻擊力明顯比波爾圖更具殺傷力，所以羅馬勝算較大。初盤羅馬讓半球／一球，捧“紅狼”有利可“圖”。

    意甲開鑼戰，羅馬大發神威，四球橫掃烏甸尼斯，兩大攻擊核心迪施高與沙拿都有“士哥”，阿根廷射手柏洛迪更梅開二度，火力實在唔簡單。且今季加入多名守將，法斯奧、祖安、皮爾斯及今仗停賽的華美倫，防守能力大增，對住實力稍遜的波爾圖，羅馬料可殺退對手。

    近三季波爾圖已失去葡超王者地位，高質素球員有出冇入，反映實力正下降。今季只加入三名防守球員，包括菲臘比、拉恩及泰利斯，對球隊真正作用唔大，好大機會今季在附加賽止步。

    推介：羅馬2：0