“狐狸”遇着“兵”

    今季衛冕英超冠軍的李斯特城揭幕戰遇到挫折，不敵升降機侯城，連埋社區盾連輸兩場。“狐狸”能否保住神奇球隊之名，明晨對住上季亞軍的阿仙奴將再受考驗。

    首戰同樣失利的阿仙奴上場大戰利物浦，由領先變最後三比四落敗，顯示攻防兩端有極大對比，防線受傷兵影響成為最大致命傷。今仗兩隊對攻，隨時又係大手交易。阿仙奴普遍較被睇高些少，但作客始終不利，上季作客勝率亦不足一半。初盤阿仙奴讓平手／半球，不妨捧李斯特城“兵”來將擋。

    講攻力，李斯特城有“當家”殺手華迪，步大力雄的新援尼日利亞國腳梅沙，當然唔少得剛續約加薪的中場核心馬列斯，仲有後備殺手岡崎慎司與烏路亞，絕對有能力與兵工廠對攻。至於防守，與阿仙奴一樣十個甕九個蓋，都唔知補得邊到，兩隊唯有以攻代守。阿仙奴激戰利物浦踢得精彩，惜受制於紅軍的壓迫性踢法，“李城”踢法大致與紅軍近似，兵工廠要打開勝利之門並不容易。

    推介：和波2:2