韋斯咸冇斷“古”

    今日揀場歐霸盃附加賽首回合推介畀大家，由英超韋斯咸對羅馬尼亞球隊阿斯特拉吉爾古爭入分組賽。

    阿斯特拉吉爾古係上季羅甲聯賽冠軍，惜今季有多名奪冠功臣離隊，戰鬥力減弱，之前踢歐冠盃資格賽被丹麥的哥本哈根踢出局，轉戰歐霸盃就要對住英超實力派韋斯咸，以目前人腳及雙方聯賽水平，阿斯特拉吉爾古要突圍未必容易，今戰只望憑住主場之利，望能與“鎚仔幫”拉成均勢。

    從韋斯咸上季在英超表現，絕對係一支含金量十足球隊，陣中國腳級人馬如皮耶特、高耶迪、菲治侯利等都極具份量。英超開鑼戰作客史丹福橋，完場前被車仔絕殺確心有不甘，唯有在歐霸盃發難。其實兩隊去年亦曾在歐霸盃碰頭，結果“鎚仔幫”被對手淘汰出局，今年咁啱又再仇人見面，誓要有仇報仇。

    阿斯特拉吉爾古今季實力削弱，韋斯咸戰力有增無減，初盤韋斯咸讓半球／一球，捧“鎚仔幫”首回合可先拔頭籌。

    推介：韋斯咸1:0