曼城一球“勒”住

    上季英超“阿四”嘅曼城明晨展開歐冠盃之旅，附加賽首回合將作客布格勒斯特星隊，星隊只係布格勒斯特隊名，講星級球員指數，當然不及曼城，球員平均質素與整體實力亦在曼城之下，否則“大圍”又點會開出初盤曼城要讓一球／球半，擺到明睇好曼城冇得輸。不過，唔好忘記波係圓嘅，何況口係人哋地頭，曼城要贏兩球才有純利，感覺有風險，隨時又係贏波輸盤，不妨小敲布加勒斯特星隊至少可執半個盤。

    曼城在英超首戰能全取三分，多得新特蘭完場前烏龍送禮，否則“哥帥”第一炮都打唔響。以曼城表現，又唔係踢得太差，尤其新加盟的史東斯與洛尼圖都踢出身價，其他主力亦發揮水準，整體配合與進攻效率相當清晰，只係欠缺攻門準繩。踢完新特蘭就遠征羅馬尼亞，球員未必能發揮到最佳狀態，況且次回合返主場，睇定嚟食都未遲。

    星隊在羅甲屬於傳統勁旅，有一定實力，只係水平遜於英超，但開季狀態十足，近四場全勝，士氣搭夠，未必輸得晒畀曼城。

    推介：曼城2:1