車仔要上“韋”

    英超首周賽事已上演倫敦打吡，車路士主場迎戰韋斯咸。車仔上季只能排第十，連踢歐戰都冇資格，今季誓要重振雄風。球隊請來戰術大師、意大利名帥干地執教，人腳加入比利時國腳巴舒亞易、上季李斯特城奪冠功臣簡迪兩大猛將；不過，上季失五十一球嘅防線就原封不動，車仔再唔加強防線實力，亦係最大致命傷。

    季前熱身賽，車仔六戰四勝兩負尚算不俗，最後兩場分别殺敗AC米蘭與雲達不萊梅，證明狀態開始操起，尤其夏薩特、奧斯卡、費比加斯、韋利安及迪亞高哥斯達等主力，兩名新援亦逐漸與球隊融合，中前場進攻應不成問題，今仗對住韋斯咸，只要加強防守，車仔有望旗開得勝。

    韋斯咸上季表現突出，更成列強剋星，新季同樣加強實力，買入史雲斯射手阿休、菲治侯利及托尼等名氣球員，三線戰力明顯增強，但首戰要作客史丹福橋球場，的確唔易踢。初盤車路士讓半球 / 一球，重新上路的車仔誓必在主場攞頭威，捧車仔至少執半個盤。

    推介：車路士2:1