聖日門破大“巴”

    歐洲五大聯賽之一的法甲明晨率先開鑼，近幾季無敵手的巴黎聖日門作客中游班巴斯蒂亞，雙方實力有明顯差距，如無意外聖日門應可旗開得勝。

    上季在法甲排名第十，以巴斯蒂亞人腳班底，根本未有足夠能力爭奪聯賽錦標，何況近三次對住聖日門，三戰全敗兼淨吞八蛋，揭幕戰就要對住法甲王者，巴斯蒂亞只可俯首稱臣。初盤巴黎聖日門讓一球 / 球半，開季前四場熱身賽經已火力全開，加埋法甲超級盃，共攻入對手十四球，聖日門今場贏波贏盤唔難。

    巴斯蒂亞基本上保持上季原班人馬，由最具名氣的史基拿斯與蒙迪斯度兩位超過卅六歲老將領軍，仲要堅守防線重心，經驗的確十足十，但對住聖日門強大攻力，兩位老人家相信唔頂得幾耐。

    聖日門在法甲經已無敵，球隊目標直指歐冠，所以今季依然繼續增強人馬，雖然有超級射手王伊巴謙莫域離隊，但從皇馬引入謝斯一樣極具級數，仲有波蘭國家隊中場核心基祖維克、比利時國腳蒙尼亞及強勢回勇的賓艾化，加上本身強勁班底，巴斯蒂亞死守都唔掂。

    推介：巴黎聖日門3:0